मरन्ठाना र चुँजाद्वारा विद्युतको माग

रविन पि.एम.
प्यूठान, १९ जेष्ठ ।
जिल्लामै बिद्युत उत्पादन भए पनि प्यूठानका कतिपय ठाउँहरु पनि बिद्युतिकरण देखि बञ्चित छ । जिल्लामा करिब १२ मेगावाट बिद्युत उत्पादन क्षमता भएको झिमरुक जलविद्युत उत्पादन केन्द्र छ । यसै बिच चुंजा गाविस वडानम्बर २ र मरन्ठाना गाविस ३ मा हालसम्म पनि विद्युतिकरण नभएको भन्दै सोही वडाका स्थानियले बिद्युत प्राधिकरण समक्ष पटक पटक बिद्युतिकरणको माग गर्दै आएका छन ।तर उनिहरुको माग पुरा हुन सकेको छैन । बिद्युतिकरणको माग गर्नका लागि गठित संघर्ष समितिले केहि दिन अघि बिद्युत प्राधिकरण र जिल्ला प्रशासन मा  माग पत्र पेस गरेपछि यसबारेमा छलफल गर्न आज जिल्ला प्रशासन कार्यलयमा  बोलाइएको  सर्बपक्षिय बैठक बिद्युत प्राधिकरणको अनुपस्थितिका कारण बैठक २३ गतेसम्मका लागि स्थगित भएको छ । आफुहरुको माग एक हप्ता भित्रमा पुरा नभए चुंजा २ भुल्के मुहानबाट सदरमुकाम आउने पानीको मुहान नै बन्द गर्ने संघर्ष समितिका सचिव दधिराम भण्डारीले बताउनु भएको छ ।