प्यूठान, १९ जेष्ठ । प्यूठानमा १ वर्ष बितिसक्दा समेत गाविस भवन निर्माण कार्य पूरा हुन सकेको छैन । आर्थिक वर्ष २०६७/२०६८ अन्तर्गतत २०६८ असार मसान्तसम्म निर्माण भैसक्नु पर्ने मर्काबाङ गाविसको कार्यालय भवन स्थानीय राजनीतिक दलको लापरवाही र गैरजिम्मेवारपनका कारण अझै पनि निर्माण कार्य सम्पन्न हुन सकेको छैन । गाविसको आफ्नै भवन नहुँदा मर्काबाङ गाविस कहिले विद्यालयका कक्षाकोठा त कहिले स्वास्थ्य चौकीभित्रको साँघुरो कोठामा कार्यालय सञ्चालन हुँदै आएको छ । गाविसको आफ्नै भवन नहुँदा समस्या परिरहेको सेवाग्राहीहरुको गुनासो छ ।
२०६७ चैत ५ गतेबाट भवन निर्माण शुरु भएको गाविसको भवन हालसम्म पनि सम्पन्न हुन नसक्दा सेवाग्राहीहरु मर्कामा परेका छन् । १२ लाख ९५ लहजार ७ सय ४१ रुपैयाँ १५ पैसाको कुल लागतमध्ये निर्माण कार्य थालनीाके लागि प्राविधिक मूल्यांकन गराई निर्माण समितिलाई ९ लाख ८९ हजार २ सय ३२ रुपैयाँ अग्रिम भुक्तानी दिइसकेको गाविस सचिव चिन्तबहादुर पुनले जानकारी दिनुभयो । निर्माण समितिले तत्काल सक्रियतापूर्वक निर्माण कार्य सम्पन्न नगरे गाविस कार्यालय आफैले निर्माणको जिम्मा लिसक्ने गाविस सचिव पुनले चुनौती दिनुभयो । निर्धारित समयमै योजना सम्पन्न गर्न निर्माण समिति असक्षम भए पनि अब छिट्टै निर्माण सम्पन्न हुने समितिका अध्यक्ष हरिप्रसाद न्यौपानेले बताउनुभयो । वडा नागरिक मञ्चका संयोजक तथा भवन निर्माण अनुगमन समितिका सदस्य हेमराज अधिकारीले निर्माण सम्बन्धमा गाविस र समितिबीचको कमजोर र अपरिपब्व सम्झौताका कारण भवन वनिर्माण कार्य ढिला हुन पुगेको बताउनुहुन्छ । गाविसमा क्रियाशिल राजनीतिक दलहरु असक्षम र गैरजिम्मेवार भएका कारण निर्माण कार्य सम्पन्न हुन नसकेको स्थानीयबासीहरुको भनाई रहेको छ ।
साभारः गणतन्त्र राष्ट्रिय दैनिक
No comments:
Post a Comment
यसप्रतिको तपाईको कुनै प्रतिक्रिया भए राख्न सक्नुहुन्छ । त्यसका लागि तलको बक्समा कृपया प्रतिक्रिया टाइप गरी Publish मा क्लिक गर्नुहोस् ।