प्यूठानको कृषि संकलन केन्द्रको निर्माण कार्य अलपत्र

प्यूठान १९ चैत । प्यूठानको धर्मावतीमा निर्माणाधिन कृषि संकलन केन्द्र आर्थिक अभावका कारण अलपत्र परेको छ । जिल्लाको मध्य क्षेत्रका किसानहरुलाई लक्षित गरी सुरु गरिएको केन्द्रको   भवन निर्माणको पैसा अभावमा रोकिएको स्थानीय मुक्तबहादुर थापाले जानकारी दिनुभयो । कृषि विकास कार्यालयले दिएको ३ लाख ८० हजार रुपैयाँले ७५ प्रतिशत कार्य सम्पन्न भएको उहाँले बताउनुभयो । कृषि विकास कार्यालयका प्रमुख श्यामप्रसाद रिजालले बाँकी रकम स्थानीय जनताले आफै जुटाउनुपर्ने बताउनुभयो ।
(समाचार साभारः दिउँसो ३ बजे उज्यालो ९० एफएमको नेपाल खवरबाट )