भिरबाट लडेर महिलाको मृत्यु

एलबी थापा प्यूठान ४ चैत्र ।   प्यूठानको लुङमा भिरबाट लडेर एक महिलाको ज्यान गएको छ । घर नजिकैको भिरमा घाँस काट्न गएका बेला लुङ–४ निवासी प्रेमी केसीको भिरबाट लडेर ज्यान गएको हो । लुङ–३ स्थित स्थानीय धारापानी नजिक टुट्नेभिरमा घाँस काट्न गएकी २२ वर्षिया केसीको घटनास्थलमै ज्यान गएको स्थानीय तिलबिक्रम केसीले बताउनुभयो । केसी भिरबाट करिब २ सय मिटर तल खसेको अनुमान गरिएको छ । उहाँ लडेकै भिरमा घाँस काट्ने क्रममै ६ वर्षअघि उहाँकै जेठानी २८ वर्षिय बसन्ता केसीको पनि लडेरै ज्यान गएको थियो ।